Hesablama Palatası büdcə vəsaitlərinin 100%-ni istifadə edib

2023-cü ildə Hesablama Palatasının saxlanması xərcləri 8 milyon 675,505 min manat təşkil edib. Bu barədə Palatadan məlumat verilib.

Hesablama Palatasının 2023-cü il üçün xərclər smetası 10 milyon 625,965 min manat səviyyəsində təsdiqlənib. Nəticədə, Palatanın büdcəsi təkrar nəzərdən keçirilib və 2,1 milyon manat azalıb və 8 milyon 675,505 min manat məbləğində təsdiq olunub. Beləliklə, 2023-cü ildə vəsaitin 100%-i istifadə edilib.

2023-cü ildə vəsaitlərin əsas həcmi Hesablama Palatası işçilərinin əməkhaqqının ödənilməsinə yönəldilib. Bu məbləğ 7 milyon 661,908 min manat və ya bir il ərzində Palatanın bütün xərclərinin 88,3%-ni təşkil edib

Bundan başqa, məcburi dövlət sosial sığorta haqları 1 milyon 352,782 min manat, əməyin ödənişi ilə bağlı digər pul ödənişləri 640,631 min manat, ölkədaxili ezamiyyə xərcləri 69,094 min manat təşkil edib.

Qalan xərclər digər məqsədlərə yönəldilib.