Almaniyadan 120 milyon avroluq minik maşınları almışıq
Almaniya 2023-cü ilin yanvar-noyabr aylarında Azərbaycana 10 nəfərdən az adamın daşınması üçün nəzərdə tutulmuş minik avtomobilləri və digər motorlu nəqliyyat vasitələrinin ixracını 2022-ci ilin müvafiq dövrü ilə müqayisədə 14,1% - təxminən 2,4 min ədədə qədər artırıb. Almaniya Federativ Respublikasının Federal Statistika İdarəsinin məlumatına görə, hesabat dövründə tədarükün dəyəri 43% - 118,6 milyon avroya qədər artıb.
Yanvar-noyabr aylarında Almaniyadan Azərbaycana mühərrikinin həcmi 1500 kubsantimetrdən 3000 kubsantimetrə qədər olan təxminən 550 ədəd benzin mühərrikli yeni nəqliyyat vasitəsi (artım 2,7 dəfə) gətirilib. Tədarükün dəyəri təxminən 29,8 milyon avro (artım 3,2 dəfə) olub.
Hesabat dövründə Almaniyadan Azərbaycana mühərrikinin həcmi 1500 kubsantimetrdən 2500 kubsantimetrə qədər olan dizel mühərrikli köhnə nəqliyyat vasitələrinin ixracı illik müqayisədə 28,9% - təxminən 290 ədədə qədər, tədarükün dəyəri isə 38,6% - təxminən 3,6 milyon avroya qədər azalıb.
Yanvar-noyabr aylarında Almaniyadan Azərbaycana enerji mənbəyinə qoşula bilən benzin və elektrik mühərrikli köhnə hibrid avtomobillərin ixracı 61,8% - təxminən 210 ədədə qədər artıb. Bu nəqliyyat vasitələrinin tədarük dəyəri 51,8% artaraq təqribən 10,6 milyon avro təşkil edib.
Almaniya Federal Statistika İdarəsinin məlumatına görə, 2022-ci ildə Almaniya Azərbaycana 10 nəfərdən az adamın daşınması üçün nəzərdə tutulmuş minik avtomobilləri və digər motorlu nəqliyyat vasitələrinin ixracını 2021-ci illə müqayisədə 16,4% - 2,4 min ədədə qədər artırıb. Hesabat dövründə tədarükün dəyəri 2,3 dəfə - təxminən 95,1 milyon avroya qədər artıb.
