Beynəlxalq ticarət tərəfdaşları arasında "qəbiləçilik" yaranır - BVF-in xəbərdarlığı
ENA.az xəbər verir ki, Beynəlxalq Valyuta Fondunun idarəedici direktorunun birinci müavini Gita Gopinath "ticarət müharibələri", milli təhlükəsizlik haqqında danışıb.
Onun sözlərinə görə, “Reshoring” və “de-risking” xəbər məqalələrində və siyasət sənədlərində getdikcə daha çox rastlaşdığınız sözlərdir.
Birincisi, xaricdə yerləşən biznesin orijinal ölkəsinə qaytarılması praktikası ilə, ikincisi isə “riskli” ticarət tərəfdaşlarından asılılığın azaldılması ilə bağlıdır.
Təxminən 1992-ci ildən 2008-ci ilin maliyyə böhranına qədər dünya beynəlxalq ticarətdəki partlayışdan bəhrələnib və bu, sonradan orta vətəndaş üçün qlobal həyat standartlarını yüksəltdi.
İndi ekspertlər hiper-qloballaşmanın zəifləməyə başladığını deyirlər.
Gita Gopinath deyir: "Dünyanın ümumi ÜDM-i həqiqətən də o qədər də dəyişməyib, amma ölkələrin haradan aldıqları dəyişir".
Bəzi ölkələrdə dövlətlərin yerli istehsalı dəstəkləmək üçün xarici malların idxalına vergi qoyması proteksionizmi artıb. Bununla belə, ekspertlər beynəlxalq ticarət tərəfdaşları arasında yaranan "qəbiləçilik" barədə də xəbərdarlıq edirlər.
Başqa sözlə desək, ölkələrin düşmən olmayan dövlətlərlə deyil, siyasi müttəfiqlərlə iş görmək ehtimalı artır və bu, siyasi xətt üzrə ticarət bloklarının yaranmasına səbəb olur.
"COVID-19 pandemiyası və Rusiyanın Ukraynaya təcavüzündən sonra ölkələr dayanıqlılıq, təchizat zəncirlərinin təhlükəsizliyi və milli təhlükəsizlik barədə getdikcə daha çox narahat oldular".
O, "daha pis vəziyyət ssenarisi"nin siyasi bloklar arasında ticarətin tam pozulması olduğunu vurğulayıb. Bu vəziyyətin "qlobal ÜDM istehsalını təxminən 7% azalda biləcəyini bildirib.
Bu, təxminən 7,4 trilyon dollara və ya Fransa və Almaniya iqtisadiyyatlarının ümumi həcminə bərabərdir.
