FTX-nin CEO-su “fırıldaqçılıq” və çirkli pulları yumaqda təqsirli bilindi
Kripto valyuta birjası FTX-in təsisçisi və keçmiş Baş İcraçı Direktoru (CEO) Sam Bankman-Fried, fırıldaqçılıq və çirkli pulların yuyulmasında mühakimə olunduğu cinayət işində "günahkar" bilinib.
Manhetten Federal Məhkəməsində bir aydır davam edən məhkəmədə müştərilərinin 8 milyard dollardan çox pulunun itirildiyini və Bankman-Friedin bu pulu ört-basdır etdiyi və FTX investorlarını aldatdığını iddia edən hökm çıxarıldı.
Dörd saatdan çox müzakirə etdikdən sonra məhkəmə keçmiş baş direktoru 7 cinayətdə, o cümlədən qiymətli kağızlarla fırıldaqçılıq və çirkli pulların yuyulmasında "günahkar" bilib.
FTX 2022-ci ilin noyabrında iflas etdi
Kriptovalyuta birjası FTX 2022-ci ilin noyabrında iflas etdi və şirkətin baş direktoru Sam Bankman-Fried-in istefa verdiyi açıqlandı.
Bankmen-Frid dekabr ayında ABŞ-ın cinayət işi açmasından sonra Baham adalarında saxlanılıb. 21 dekabr 2022-ci ildə ABŞ-a təhvil verilən Bankman-Friedin məhkəməyə qədər 250 milyon dollar girov qarşılığında sərbəst buraxılmasına qərar verildi.
Ona qarşı irəli sürülən "fırıldaqçılıq" ittihamlarını rədd edən Bankman-Frid səhvlər etdiyini, lakin heç vaxt vəsait oğurlamaq niyyətində olmadığını iddia edib.
Bankmen-Friedin girovu avqust ayında şahidlərə təsir göstərməyə çalışdığı səbəbi ilə ləğv edilmiş və keçmiş baş direktor Bruklindəki həbsxanaya göndərilmişdi.
Prokurorlarla əməkdaşlıq edən şahidlər “müştəri vəsaitlərinin sui-istifadəsi” ilə bağlı qərarları verən şəxs kimi Bankman-Fridi göstəriblər.
Müdafiə vəkilləri bildiriblər ki, Bankman-Fried-in günahını etiraf edən və prokurorlarla əməkdaşlıq edən üç keçmiş həmkarı, yüngül cəzalar almaq ümidi ilə ifadələrini Bankman-Fried-i ittiham etmək üçün uyğunlaşdırıblar.
Prokurorlar yekun çıxışlarında iki milyard dollarlıq şirkət quran MIT məzunu Bankman-Fried-in “əslində heç nə bilmədiyinə” inanmamağı xahiş ediblər.
İkinci işə gələn il baxılması planlaşdırılır
Bankman-Fried FTX-in Baham adalarındakı qərargahından ABŞ-a ekstradisiya edildikdən sonra irəli sürülən əlavə ittihamları müzakirə edəcək ikinci cinayət işi 2024-cü ilin martına planlaşdırılıb.
