Mərkəzi Bank valyuta bazarından 122 milyon dolları yığıb
Azərbaycan Mərkəzi Bankı valyuta bazarına müdaxilə edərək 122 mln. ABŞ dolları alıb.
"Profisitli tədiyə balansı və de-dollarlaşma proseslərinin davam etməsi şəraitində valyuta bazarında təklif tələbi kəskin üstələyir. Cari ilin 8 ayında Mərkəzi Bankda keçirilən valyuta hərraclarının 99%-də təklif tələbi üstələmişdir", - deyə məlumatda qeyd olunur.
Azərbaycan Mərkəzi Bankı 2022-ci ildə valyuta bazarına müdaxilələr çərçivəsində 2 milyard 48 milyon dollar əldə edib ki, bu da 2021-ci illə müqayisədə 8,3 dəfə çoxdur.
