Hava şəraiti kəskin dəyişəcək - XƏBƏRDARLIQ
Fevralın 23-ü axşam saatlarından başlayaraq ölkə ərazisində hava şəraiti kəskin dəyişəcək.
ENA.az xəbər verir ki, bunu Milli Hidrometeorologiya Xidmətinin rəisi Umayra Tağıyeva bildirib.
Onun sözlərinə görə, hava şəraitinin yağıntılı olacağı və qar yağması gözlənilir. Qar yağışı ölkənin əksər bölgələrini əhatə edəcək.
Böyük Qafqazın bəzi ərazilərində, dağlıq və dağətəyi zonalarda qarın intensiv olacağı proqnozlaşdırılır.
Xidmət rəisi qeyd edib ki, fevralın 23-ü axşamdan başlayaraq Bakıda və Abşeron yarımadasında yağış yağacağı gözlənilir. Gecə saatlarından etibarən və fevralın 24-ü günün birinci yarısında yarımadanın bəzi yerlərində sulu qar yağacağı ehtimal edilir.
Fevralın 24-ü axşam saatlarında ölkə ərazisində yağıntılar kəsiləcək.
