Sabah Azərbaycan Mərkəzi Bankı faiz qərarını açıqlayacaq
Sabah Azərbaycan Mərkəzi Bankının (AMB) İdarə Heyətinin faiz dəhlizinin parametrlərinə dair növbəti qərarı açıqlanacaq.
ENA.az xəbər verir ki, bu barədə AMB məlumat yayıb.
Xatırladaq ki, qurumun İdarə Heyəti oktyabrın 28-də uçot dərəcəsinin 0.25 faiz bəndi artırılaraq 7.75 %-dən 8 %-ə qaldırılması barədə qərar qəbul etmişdi. Faiz dəhlizinin aşağı həddi 1 faiz bəndi artırılaraq 5 %, yuxarı həddi isə yenə də 9.25 % müəyyən olunmuşdu.
