“AzerGold” Fransa şirkətini tenderin qalibi elan edib
“AzerGold” QSC “Büro Veritas Azeri” MMC ilə müqavilə bağlayıb.
ENA.az xəbər verir ki, müqavilədə İsveçrədə affinaj prosesi zamanı metal xəlitələrin qızıl və gümüş tərkibinin müəyyən edilməsi xidmətinin satın alınması nəzərdə tutulur.
Müqavilənin dəyəri isə 41 111 manatdır.
Xatırladaq ki, “Büro Veritas Azeri” 2004-cü ildə Azərbaycanda qeydiyyata alınıb, nizamnamə kapitalı 75000 USD və qanuni təmsilçisi Amil Calalovdur. Bureau Veritas 1828-ci ildə əsası qoyulmuş sınaq, təftiş və sertifikatlaşdırma üzrə ixtisaslaşmış Fransız şirkətidir. O, tikinti və infrastruktur, kənd-ərzaq və mallar, dəniz və dəniz, sənaye, sertifikatlaşdırma və istehlak məhsulları daxil olmaqla müxtəlif sektorlarda fəaliyyət göstərir.
