Britaniya kəşfiyyatı: Xersonun itirilməsi Rusiyanın Odessaya quru yolu açmaq planına mane olacaq
Xersonun qərb sahilinin itirilməsi Rusiyanın Odessaya quru yolunun açılması kimi strateji arzusuna nail olmasına mane olacaq.
Məlumata görə, Böyük Britaniya Müdafiə Nazirliyinin kəşfiyyat xidmətinin məlumatında belə qeyd olunub.
Bildirilib ki, Rusiya qüvvələri məhdud keçid nöqtələri ilə Dnepr çayını keçərək geri çəkilərkən həssas vəziyyətdə olacaqlar.
“Rusiyanın Dnepr çayının qərb sahilində öz qüvvələrini saxlamaq imkanları Ukraynanın tədarük xətlərinə zərbələri səbəbilə təzyiq altında olub. Rusiya qüvvələri geri çəkilərkən bir çox körpünü məhv edib və ehtimal ki, Ukrayna qüvvələrinin hücumunu yavaşlatmaq məqsədilə minalar basdırıb. Geri çəkilmə ehtimal ki, qarşıdakı günlərdə müdafiə mövqelərinin və artilleriya atəşlərinin geri çəkilən qüvvələri qoruması ilə həyata keçiriləcək”, - deyə Britaniya hərbi kəşfiyyatının məlumatında qeyd olunub.
