Səudiyyə Ərəbistanı neft qiymətlərini artırır
Səudiyyə Ərəbistanı gələn aydan ABŞ-a və Asiya ölkələrinə ixrac etdiyi neft markalarının qiymətlərini artıracaq.
ENA.az xarici mətbuata istinadən xəbər verir ki, ABŞ-dan olan alıcılar üçün “Arab Light” markası 0,5 ABŞ dolları baha başa gələcək, onun qiyməti “Argus Sour Crude Index”nin kotirovkalarından 6,15 ABŞ dolları çox olacaq.
Asiya ölkələrinə tədarük edilən “Arab Light” markası da 0,5 ABŞ dolları bahalaşaraq Oman və Dubay neftindən 9,8 ABŞ dolları baha satılacaq. Həmçinin “Arab Extra Light” markalı neft 0,3 ABŞ dolları bahalaşacaq.
Bununla yanaşı, Avropanın şimal-qərbi və Aralıq dənizi hövzəsi üçün qiymətlər müvafiq olaraq 0,6 və 0,4 ABŞ dolları azalacaq.
