Bu ilin ilk 4 ayı ərzində sahibkarlara verilən güzəştli kreditin həcmi açıqlanıb
2022-ci ilin yanvar-aprel ayları ərzində 757 layihənin maliyyələşdirilməsinə 29.8 mln. manat güzəştli kredit verilib. Verilmiş kreditlər hesabına 666 yeni iş yerinin yaradılması nəzərdə tutulur.
ENA.az Sahibkarlığın İnkişafı Fonduna istinadən xəbər verir ki, ötən ilin müvafiq dövründə isə güzəştli kredit mexanizmi çərçivəsində 217 layihə maliyyələşdirilib və bu məqsədlə 18.6 mln. manat vəsait ayrılıb.
