Azərbaycan fondu 51 ton qızıl alıb
2018-ci ilin dekabr ayının sonuna Azərbaycan Dövlət Neft Fondu (ARDNF) tərəfindən alınan qızılın ümumi həcmi 50 min 953,3 kq təşkil edir. Bu barədə Fonddan məlumat verilib.
“2018-ci ilin sonuna ARDNF-nin investisiya portfeli strukturunda qızılın payı 2 mlrd. 93,09 mln. dollar məbləğində 50 min 953,3 kq (1 mln. 638 min 186,3 troya unsiyası) təşkil edir”, - Fonddan bildiriblər.
“Fond qızıl külçələrə investisya yatırmaq məqsədilə həmçinin “AzerGold” ilə əməkdaşlığı davam etdirməyi planlaşdırır”, - Fonddan qeyd ediblər.
Vurğulanıb ki, qızıl alışı təqvim ili ərzində partiyalarla həyata keçiriləcək.
