Neft bahalaşmaqda davam edir, Brent 85,75 dollara yüksəldi
Neft qiymətləri keçən həftə əhəmiyyətli artımdan sonra bazar ertəsi günü yüksəlməyə davam edir. Asiya və Avropada təbii qaz və kömür çatışmazlığı enerji istehsalında neftə olan tələbatı artırır və Beynəlxalq Enerji Agentliyi (IEA) enerji böhranı nəticəsində neftə olan tələbatın gələn aylarda gündəlik 500 min barrel artacağını gözləyir.
Vanda Insights -ın qurucusu Vandana Hari, "Kömür və qaz çatışmazlığı səbəbindən artan neft tələbatı fonunda neft bazarında bir canlanma görürük", - dedi.
Hazırda OPEC + və ya Amerika şist sektorundan tədarük artımını gözləməyə dəyməz, buna görə də neft bazarında artım impulsunu məhdudlaşdıra biləcək əsas amil qiymətlərin sıçrayışına cavab olaraq tələbin zəifləməsi olacaq".
Londonun ICE Futures birjasında Brent markalı neftin dekabr fyuçerslərinin qiyməti bazar ertəsi saat 09:15-ə qədər 85,75 dollar / barel təşkil edir ki, bu da əvvəlki sessiyanın sonundakı qiymətdən 0,89 dollar (1,05%) çoxdur.
Nyu-York Ticarət Birjasında (NYMEX) elektron ticarətdə WTI markalı xam neftin noyabr fyuçerslərinin qiyməti bu vaxta qədər 83,51 dollar / barel təşkil edir ki, bu da əvvəlki sessiyanın yekun dəyərindən 1,23 dollar (1,49%) çoxdur.
Son bir həftə ərzində Brent 3%, WTI 3,7% bahalaşdı. Velandera Energy Partners-in Maliyyə Direktoru Manish Raj bildirib ki, neftin qiyməti gələn ay 90 dollar / barel səviyyəsini görə bilər.
