Axtar

"Azeristiliktachizat"ın istilik satışından gəlirləri azalıb: Hesabat

2020-ci ildə "Azeristiliktachizat" QSC istilik enerjisi satışından 13 milyon 337,6 min manat məbləğində gəlir əldə edib. Bu isə 2019-cu illə müqayisədə 9,3% azdır.

Keçən il cəmiyyətin ümumi gəlirində əhaliyə istilik enerjisi satışından daxilolmalar 2,5% artaraq 6 milyon 745,5 min manat təşkil edib.

Hesabat dövründə şirkətin əməliyyat xərcləri 72 milyon 697,5 min manat (azalma 1,2%) təşkil edib. Əmək haqqı xərcləri daxil olmaqla ümumi xərclər 17 milyon 222 min manatdır, bu isə 11,1% azalma deməkdir.

2020-ci ildə istehlakçılar 1 milyon 855,7 min Gkal (artım 4,6%) istilik sərf edib. Bunun 1 milyon 357,2 min Gkal (artım 10,6%) əhalinin payına düşüb. Kommunal ehtiyaclar üçün 498,5 min Gkal (azalma 9%) satılıb.

Keçən il istilik itkiləri 229,3 min Gkal təşkil edib ki, bu da 11,2% artım deməkdir.

2020-ci ilin sonuna "Azeristiliktachizat"ın balansında fəaliyyət göstərən qazanxanaların sayı 1167 (2019-cu ilin sonuna nisbətən 1,1% çox) olub. Qazanxanaların ümumi gücü 2 min 683 Gkal / saatdır. Eyni zamanda, təbii qazla işləyən qazanların sayı 1150, maye qazla işləyənlərin sayı isə 17-dir.

Azeristiliktechizat ASC 2004-cü ildə yaradılıb və istilik təchizatı sahəsində dövlət inhisarçısıdır.

Əlaqə

Email : enanewsaz@gmail.com

Tel : +994 70 500 12 33