“Azərpoçt”un baş direktor müavini işdən çıxıb
Nəqliyyat, Rabitə və Yüksək Texnologiyalar Nazirliyinə məxsus “Azərpoçt” MMC-nin baş direktorunun müavini Emil Verdiyev işdən çıxıb.
ENA.az xəbər verir ki, onun yerinə hələ ki, təyinat olmayıb.
Xatırladaq ki, E.Verdiyev “Azərpoçt”da 6 ildir ki, işləyir. O, 2015-2020-ci illərdə şirkətin Mərkəzi Xüsusi Rabitə İdarəsinin rəisi işləyib, ötən il martın 3-dən isə baş direktorun müavini vəzifəsinə təyin edilib.
