Bankların öz pulları nə qədərdir? - 26 BANK ÜZRƏ RENKİNQ

06 avqust 2020

Təəssüf ki, Azərbaycanın bank serktorundakı pis sürprizlərlə çox qarşılaşmışıq. Bəzən müvafiq qurumlar bu xoşagəlməz hadisələrdə suç ortağı kimi müştəriləri də günahlandırırlar: “O banka pul qoymazdan əvvəl bir araşdırardınız”.

Bankın öz pulu - MƏCMU KAPİTAL

Əslində vətəndaşın belə bir öhdəliyi yoxdur, çünki bak fəaliyyəti lisenziyalaşdırılmış sahədir. Buna baxmayaraq, ENA.az olaraq bankların əsas önəm verilməli olan göstəricilərini sizin diqqətinizə çatdırırıq.

Bu göstəricilərdən birincisi bankın məcmu kapitalıdır.

Məcmu kapitalın əsas məqsədi bankın maliyyə dayanıqlığını təmin etməkdir. Yəni bankı ödəmə qabiliyyətinin itirilməsinə səbəb ola biləcək mümkün zərərlərdən qoruyur, əmanətçilərin və investorların bank sisteminə etimadını artırır.

Başqa sözlə desək, məcmu kapitalın məqsədi gözlənilməz itkilərin qarşısını almaqdır. Əgər gözlənilməz itki baş verərsə, bu zaman bank bu itkini əmanətçilərin yox, öz vəsaiti hesabına qarşılaya bilər. Bu səbəbdən, Azərbaycan Respublikası Mərkəzi Bankının İdarə Heyəti, 25 iyul 2012-ci il tarixli qərarı ilə fəaliyyətdə olan bankların məcmu kapitalını 50 mln. manatadək artırılması ilə bağlı tələb irəli sürüb. Qeyd edək ki, bunun digər bir məqsədi, bankların konsolidasiyasına (birləşməsinə) nail olmaq idi, lakin bağlanan banklarının sayının 20 olmasından göründüyü kimi, bu mümkün olmadı.

Nizamnamə kapitalı fərqli anlayışdır

Beləliklə, Azərbaycanda hazırda fəaliyyət göstərən bankların məcmu kapitalı üzrə renkinqini sizə təqdim edirik. Cədvəldə eyni zamanda nizamnamə kapitalı ilə bağlı rəqəmləri də görə bilərsiniz. Bəzi hallarda, məcmu kapital ilə nizamnamə kapitalı səhv salına bilər. Amma nizamnamə kapitalı və məcmu kapital fərqli anlayışlardır. Nizamnamə kapitalı sahmdar kapitalıdır və o da məcmu kapitalın bir hissəsidir.

Dəyişilməz "ÜÇLÜK"

Renkinq cədvəlindən aydın göründüyü kimi, məcmu kapitalın həcminə görə də Azərbaycan Beynılxalq Bankı, Kapital Bank və PAŞA Bank ilk üçlükdədir. Bu isə həmin banklarının dayanıqlı olmasına əsas yaradır. Ümumilikdə 1 iyul 2020-ci il tarixə açıqlanan rəsmi rəqəmlər bankların normativə uyğun olduğunu göstərir.

Qeyd edək ki, yalnız iki bank - Günaybank, Muğan Bankın məcmu kapitalları ilə bağlı göstəriciləri saytlarında görmədik.

YERİ	Renkinq sırası	Banklar	Məcmu kapital (min AZN)
			Məcmu kapital (min AZN)
			ümumi	o cümlədən nizamnamə kapitalı
1	1	Azərbaycan Beynəlxalq Bankı ASC	1 350 861	1 224 478
2	2	Kapital Bank ASC	487 150	225 850
4	3	Paşa Bank ASC	440 000	333 000
3	4	Xalq Bank ASC	426 799	364 772
21	5	Premium Bank ASC	178 156	154 601
14	6	Expressbank ASC	117 503	112 545
15	7	Rabitəbank ASC	105 380	101 300
12	8	Azərbaycan Sənaye Bankı ASC	99 380	60 000
7	9	Bank Respublika ASC	89 863	73 461
24	10	NaxçıvanBank ASC	88 155	77 025
5	11	Unibank ASC	84 857	125 686
8	12	Bank of Baku ASC	79 264	52 870
13	13	Turanbank ASC	78 583	70 004
6	14	Accessbank QSC	77 542	258 718
22	15	AzFinance Bank ASC	77 165	70 393
10	16	Yapı Kredi Bank Azərbaycan ASC	73 324	55 381
23	17	Ziraat Bank Azərbaycan ASC	69 667	50 000
17	18	Bank Avrasiya ASC	67 295	50 000
19	19	BTB ASC	63 109	66 045
20	20	VTB -Azərbaycan ASC	59 473	315 815
11	21	Yelo Bank ASC	54 127	348 000
25	22	Bank Melli İran Bakı filialı	50 846	73 611
16	23	Azər-Türk Bank ASC	50 666	50 000
26	24	Pakistan Milli Bankı NBP Bakı filialı	9 449	9 420
9	25	Muğanbank ASC		102 005
18	26	Günaybank ASC		64 910