Azərbaycanda tibbi maskaların qiyməti bilindi - AÇIQLAMA

“Sumqayıt Kimya Sənayə Parkında “Bakı Tekstil Fabriki” MMC tərəfindən yaradılan maska istehsalı müəssisəsində bu günə qədər dörd milyondan artıq maska istehsal olunub”.

Bunu MMC-nin təsisçisi Səkinə Babayeva bildirib.

Onun sözlərinə görə, istehsal olunan maskanın iki milyonu satışa çıxarılıb:

“İki milyonu isə ehtiyatda saxlanılır. Müəssisədə gündəlik 350 min maska sifarişi həyata keçirilə bilər. Hazırda bizə verilən sifarişlər gündəlik planlama əsasında aparılır. Əhali üçün maska satışı 30 qəpikdir.

Korporativ satış isə 40-60 qəpikdir. Müəssisədə dörd min nanomaskalar var. Burada, həmçinin, gündəlik və tibbi maskalar istehsal olunur. N95 maskaları isə stehsal prosesindədir”.

MMC rəhbəri qeyd edib ki, ABŞ, Qatar, Braziliya və Almaniyadan sifarişlər var.