4 addımda dijitalda post-korona kommunikasiyasına hazırlıq

Dünya olaraq böyük bir qeyri-müəyyənliyin içindəyik. Bir sonrakı addımda markamızı necə idarə edəcəyimizi bilmirik, qaranlıqda iynə axtarmağa çalışırıq. Bu dövrdə kommunikasiya strategiyanız üçün Sizə faydalı olacaq fəndlər...

Bu dövrlə bağlı ən qorxulu məqam odur ki, nümunəmiz yoxdur və “Google”da necə edilir videosu tapa bilmirik. Dünya olaraq qeyri-müəyyənliyin içindəyik, işimizi, markamızı, hətta özümüzü belə necə idarə edəcəyimizi qaranlıqda iynə axtarmaqla tapmağa çalışırıq. Araşdırmalar isə göstərir ki, qeyri-müəyyənlik içində olmaq, pis bir şey olacağını bilməkdən daha çox stress yaradır. Belə bir dövrdə marka idarəçilərinin böyük bir stressdə olmaları təbiidir. Covid-dən sonra kommunikasiyanı nəyə görə və necə müəyyən etməliyik? Aşağıdakı 4 maddə, yeni dövrlə bağlı kommunikasiya strategiyanız üçün sizə faydalı fəndlər təklif edir.

COVID sonrası, konkret hansı zamandır?

Proqnozlara görə, COVID-19-un vaksini tapılmayana qədər, o həyatımızdan bir anda yox olmayacaq. Ancaq ölkələr mərhələli şəkildə sosial həyata qayıdış planlarını reallaşdırmağa çalışır. Çox yaxında hamımız, əvvəlki qədər olmasa da küçədə olacağıq. Bu dövrün adını qoymağımız vacibdir, çünki COVID-19 sonrası, imtahan sonrası xoşbəxtliyə oxşamır. Çöldə olacağıq, amma təhlükə bütünlüklə keçmiş olmayacaq. Ruhumuz sahildə gəzmək və dondurma yemək istəyəcək, amma ağlımız hər səfərində bizə potensial təhdidləri xatırladacaq. Dolası ilə COVID sonrası adlandırdığımız dövr, əslində məcburi sosial təcrid mənasına gəlir. Bu əvvəlki dövrə qayıdış deyil. Bu da bizi bir sonrakı maddəyə aparır.

Sonunda evdən çıxan müştərinin psixologiyası

Karantin mərhələli olaraq yumşaldığı və sona çatdığında, qarşımızdakı müştəri daha çox narahat və ən çox da zehni dilemma və suallar ilə dolu olacaq. Küçədəyik, amma yenə virusa yaxalanarıqsa? Övladınız yaxınlaşan dərs ilində məktəbə gedəcək, bəs bu qərar nə qədər doğrudur? Yaşlı ailəsini görməyə getməlidirmi, yoxsa onlardan hələ də uzaq qalmalıdır? Yazının əvvəlində qeyri-müəyyənliyin stress yaratdığından danışmışdıq. Bəs belə stressli ruh halında, müştəri davranışlarını necə proqnoz etməliyik? Bu dövrün stressi “nəzarət etdiyimiz stress” kateqoriyasına daxil olmur.Yəni, imtahana girəcəksiniz və stress bitəcək. 2016-cı ildə aparılan bir araşdırmaya görə, nəzarət edilməyən stress halında, müştərilər pul xərcləmək yerinə, qənaət etməyə üstünlük verdiklərini, xüsusilə də əllərindəki pulun hamısını xərcləməməyə diqqət etdiklərini bildirir.

McKinsey-nin korona dövrü müştəri duyğuları araşdırması nəticələri də bu məlumatları təsdiq edir. Ancaq məlumatın hamısı bu istiqamətdə məhdudlaşmır. Yeni dövrdə ağlı “xərcləmə/ qənaətli xərclə”, qəlbi “xərclə, heç olmazsa, anın keyfinə bax, sabah nə olacağı məlum deyil” deyən bir müştəri görəcəyik.

Markaların üzərinə düşən vəzifələr

COVID-19 dövrü markalar üçün böyük bir qarışıqlıq dövrü oldu. Səssiz qalanlar, pozitiv olmaya çalışarkən, laqeyd olmaqda günahlananlar, marka kimliyini böhran kommunikasiyasına daşımaqda çətinlik çəkənlər, marka məqsədinin əskikliyini ən çox bu dövrdə hiss edənlər... Əlbəttə, bu dövrdə markaların bir çoxunun uğurlu işləri oldu, ancaq ümumiləşdirsək markalar böhranda nə etməli olduqlarını bilmirdilər. İndi bu ikinci mərhələ özünün problemləri və fürsətləri ilə gəlir. Markaların edəcəyi ən yaxşı həmlə, gündəmi analiz etmək, başqa cəmiyyətlərin heysiyyətinə toxunmadan kommunikasiya etməkdir. Ən vacib nüans odur ki, evdən çıxar-çıxmaz müştəriləri reklam və satış çağırışları bombardmanına tutmayın. Bu dövrə “yeni normal”, “covid sonrası” kimi yanaşılmamalıdır, yaralara sarğı edən mərhələ olduğunu düşünmək lazımdır. Və bu həssaslıqla da kontent hazırlamaq lazımdır. Maddi, mənəvi, psixoloji, sosial yaralarını sarmaqda olan müştərilərinizə sizin markanız necə fayda verə bilər? Kommunikasiya strategiyanızın doğru başlanğıcı, bu sualın cavabı ola bilər.

4. Keçid prosesində qəhrəman olmaq

Müştərilərinizin keçid prosesində ehtiyaclarını nə qədər doğru bilirsiniz? Qarşınızda artıq arafda bir müştəri var, bəs bu markanız üçün necə bir fürsət yarada bilər? Çölə çıxan zaman təhlükəsiz hiss etməyini təmin edə bilərsinizmi, yaxud evə gəldiyi zaman sıxılmamasını? Bu qarışıq dövrü həll etməyə vəd etməsəniz belə, prosesi asanlaşdıraraq müştəriləriniz üçün nöqtə atışı bir həmlə edə bilərsiniz. Əlbəttə, bu dövrdə satış məqsədiniz də olacaq, ancaq bu direkt satış məqsədli mesajlar yerinə, ehtiyac əsaslı məhsul təklifləri verə bilərsiniz.

Gözde Attila
The Brandvisors Qurucusu, Marka Strategisti