“Maska taxmayanlar barədə lazımi ölçü götürüləcək” - DİN-dən XƏBƏRDARLIQ
Nazirlər Kabineti yanında Operativ Qərargahın qərarına əsasən, bu gündən etibarən xüsusi karantin rejimi yumşaldılıb, bəzi sahələrdə fəaliyyət bərpa edilib. Eyni zamanda Tibbi Qərargah tərəfindən müxtəlif sahələr üzrə fəaliyyət zamanı riayət edilməli olan 6 metodiki göstəriş hazırlanıb.
Məsələ burasındadır ki, ictimai nəqliyyatda, qapalı məkanlarda, salon və bərbərxanlarda tibbi maskadan istifadə məcburi olsa da, əksəriyyət buna riayət etmir.
Eləcə də bax: "Onlar rahat şəkildə Bakıya gələ bilərlər"
Məsələ ilə bağlı proseslərə nəzarəti həyata keçirən Daxili İşlər Nazirliyinin mətbuat xidmətinin rəhbəri, polis polkovniki Ehsan Zahidov bildirib ki, tibbi maskadan istifadə etməməyə görə cərimə nəzərdə tutulmur:
“Nazirlər Kabinetinin qərarında da göstərilib ki, ictimai yerlərdə, qapalı məkanlarda tibbi maskalardan istifadə edilməlidir. Xüsusi karantin rejimində xidmət göstərən polis əməkdaşları onlardan maska taxmağı tələb etmək hüququna malikdirlər. İlk növbədə xəbərdarlıq, xəbərdarlığa məhəl qoymayanlar barədə isə lazımi ölçü götürüləcək”.
