Fermerlər məhsullarını paytaxt, böyük şəhərlər və rayonlara gətirib sata bilərlər
“Hazırki mərhələdə koronavirusun yayılmasının qarışısını almaq üçün dövlət tərəfindən görülən zəruri tədbirlərin fermerlərin fəaliyyətinə ciddi təsiri yoxdur”.
ENA.az xəbər verir ki, bunu Kənd Təsərürfatı naziri İnam Kərimov bildirib.
Onun sözləirnə görə, aqrar sektorda fəaliyyət xüsusi karantin rejimi tələblərinə uyğun qurulur: “Nazirlər Kabinetinin müvafiq qərarına əsasən, rayonlardan orta və iri tonnajlı maşınlarla paytaxta, digər böyük şəhərlərə və rayonlara kənd təsərrüfatı və ərzaq məhsullarının daşınmasına icazə verilir. Fermerlər yerli icra hakimiyyəti orqanlarından aldıqları arayış əsasında məhsullarını sərbəst şəkildə paytaxt, böyük şəhərlər və rayonlara gətirib sata bilərlər. Eyni zamanda, məhsullar heç bir maneə olmadan bazarlara çıxarılır, eyni zamanda xarici ölkələrə ixrac edilir”.
