Ölkəyə idxal edilən məhsullar ƏDV-dən azad edildi - FƏRMAN
İdxalı əlavə dəyər vergisindən azad edilən xammal və materialların siyahısı artırılıb.
ENA.az xəbər verir ki, bununla bağlı Prezident İlham Əliyev “İdxalı əlavə dəyər vergisindən azad edilən xammal və materialların siyahısı”nda dəyişiklik edilməsi haqqında fərman imzalayıb.
Fərmana əsasən, idxalı əlavə dəyər vergisindən azad edilən xammal və materialların siyahısına daha bir neçə tibbi məhsul əlavə olunub.
Beləliklə, Azərbaycana idxal edilən baxillər, steril və qeyri-steril əlcəklər və tibbi (cərrahiyyə əməliyyatı və ya prosedur üçün) maskalar və respiratorlar əlavə dəyər vergisindən azad edilib.
| S/S | Kod | Xarici iqtisadi fəaliyyətin mal nomenklaturası üzrə xammal və materialların adları |
| 28. | 3926200001 | Baxillər |
| 29. | 4015190001 | Steril və qeyri-steril əlcəklər |
| 30. | 6307909801 | Tibbi (cərrahiyyə əməliyyatı və ya prosedur üçün) maskalar və respiratorlar |
Bu fərman 2020-ci ilin iyunun 1-dək qüvvədədir.
