Bank

4 bank Mərkəzi Banka borcunu azaldıb

"Atabank" istisna olmaqla Azərbaycanda fəaliyyət göstərən 29 bankdan 16-sı bu il yanvarın 1-nə Azərbaycan Mərkəzi Bankı (AMB) qarşısında öhdəliklərinin illik dinamikası barədə məlumat verib.

Bu banklardan 4-ü - "Günay Bank", "Bank BTB", "Yelo Bank" və "Xalq Bank" AMB-yə borcunu azaldıb. Ən çox azalma "Xalq Bank"da (97,2% az), ən az azalma isə "Günay Bank"da (8,3%) qeydə alınıb.

1 bankın - "Kapital Bank"ın tənzimləyici quruma borcu 4,3 dəfə artıb.

11 bankın - "Access Bank", "Azərbaycan Beynəlxalq Bankı", "Azərbaycan Sənaye Bankı", "Bank Avrasiya", "Bank VTB Azərbaycan", İran Milli Bankının Bakı filialı, "Naxçıvan Bank", "NBC Bank", Pakistan Milli Bankının Bakı filialı, "PAŞA Bank" və "Zıraat Bank Azərbaycan"ın son 1 ildə AMB qarşısında öhdəliyi olmayıb. Odur ki, bu bankların tənzimləyici quruma borcunun dinamikasını hesablamaq mümkün olmayıb.

13 bank - "AFB Bank", "AGBank", "Amrah Bank", "Azər-Türk Bank", "Bank of Baku", "Bank Respublika", "Express Bank", "Muğan Bank", "Premium Bank", "Rabitəbank", "Turan Bank", "Unibank" və "Yapı Kredi Bank Azərbaycan" isə AMB-yə borclarının illik dinamikasını açıqlamayıb. 

 

10 bankın Mərkəzi Banka borcu 62 milyon manata yaxındır
 
"Atabank" istisna olmaqla Azərbaycanda fəaliyyət göstərən 29 bankdan 17-si bu il yanvarın 1-nə Azərbaycan Mərkəzi Bankı (AMB) qarşısında öhdəlikləri barədə məlumat verib ki, bunlardan da 10-u tənzimləyici quruma ümumilikdə 61 milyon 783 min manat borcludur.

Həmin banklar "Turan Bank", "Bank VTB Azərbaycan", "Bank BTB", "Günay Bank", "Access Bank", "Yelo Bank", "NBC Bank", "Kapital Bank", "Xalq Bank" və "Azərbaycan Sənaye Bankı"dır.

Bu banklardan AMB-yə ən çox borclu olan "Turan Bank" (26 milyon 83 min manat), ən az borclu olan isə "Azərbaycan Sənaye Bankı"dır (106 min manat).

Tənzimləyici quruma borclu olmadığını bəyan edən 7 bank isə "Azərbaycan Beynəlxalq Bankı", "Bank Avrasiya", İran Milli Bankının Bakı filialı, "Naxçıvan Bank", Pakistan Milli Bankının Bakı filialı, "PAŞA Bank" və "Zıraat Bank Azərbaycan"dır.

Ən vacib xəbərləri Telegram kanalımızdan OXUYUN! (https://t.me/enaxeber)