Mobil operatorlar nə qədər qazanır: rəsmi gəlir
2018-ci ilin yanvar-oktyabr ayları ərzində informasiya və rabitə müəssisələri 1 mlrd. 530,3 milyon manatlıq xidmət göstərib ki, onun da 72,8%-i əhali tərəfindən istehlak olunub.
"BI" Dövlət Statistika Komitəsinə istinadən xəbər verir ki, 2017-ci ilin eyni dövrü ilə müqayisədə informasiya və rabitə xidmətlərinin dəyəri real ifadədə 8,8% artıb, bu sahədə əldə edilmiş gəlirin 81,7%-i qeyri-dövlət sektorunun payına düşüb.
Xidmətlərdən əldə edilən gəlirin 46,9%-i və ya 718,3 milyon manatı mobil telefon rabitəsi sahəsində formalaşıb.
