Sosial iqtisadiyyat

Rauf Arifoğlunun seçildiyi dairənin də nəticələri LƏĞV EDİLDİ

Seçki Komissiyasının iclasında Milli Məclisə seçkilərlə əlaqədar 35 saylı Xətai Üçüncü Seçki Dairəsi ilə bağlı daxil olan müraciətlərə baxılıb. 

ENA.az xəbər verir ki, iclasda bildirilib ki, səsvermə prosesində həmin dairədə qanun pozuntularına yol verilib. 

Qeyd olunub ki, həmin qanun pozuntuları seçicilərin iradəsini müəyyənləşdirməyə imkan verməyən hallardır. 

İclasda qərara alınıb ki, 35 saylı Xətai Üçüncü Seçki Dairəsinin nəticələri ləğv edilsin. 

Həmçinin, 33 məntəqədən 30-da pozuntu hallarına yol verildiyi bildirilib.

Qeyd edək ki, parlament seçkilərinin nəticələri ilə bağlı MSK-nın açıqladığı ilkin açıqlamaya görə həmin dairədə lider namizəd Rauf Arifoğlu idi. 

Eləcə də bax: Çingiz Qənizadənin dairəsinin nəticələri ləğv edildi

Eləcə də bax: Hadi Rəcəblinin də dairəsinin nəticələri ləğv edildi

Ən vacib xəbərləri Telegram kanalımızdan OXUYUN! (https://t.me/enaxeber)