THY-nin doluluq nisbəti 82%-i aşıb, daşınan sərnişinlər artıb
Türk Hava Yolları (THY) noyabr ayı sərnişin və yükdaşıma göstəriciərini açıqlayıb.
"ENA" xəbər verir ki, THY 2019-cu ilin Noyabr ayında 82,3% doluluq nisbətinə çatıb. Noyabrda daşınan sərnişinlərin sayı 3,7% artaraq 5,7 milyon olub.
Xarici xətlərdə doluluq nisbəti 82%, daxili xətlərdə isə 85% təşkil edib. Ötən ilin Noyabr ayında bu nisbətlər müvafiq olaraq 81% və 84% idi.
Əhəmiyyətli bölgələrdən Uzaq Şərq, Avropa, Afrika və Şimal Amerikadan sərnişinlərin sayı müvafiq olaraq 11,5%, 8,9%, 8,2% və 6,8% artıb.
Noyabr ayında daşınan yük və məktub həcmi, keçən ilin eyni dövrü ilə müqayisədə 9,5% artıb.
