Sığorta vasitəçisi

Sığorta və ya təkrarsığorta müqavilələrinin bağlanmasında, yenilənməsində və ya davam etdirilməsində həmin müqavilənin tərəflərindən birini təmsil etməklə müvafiq lisenziya əsasında ona vasitəçilik xidməti göstərən şəxs.

Misallar üçün bax: “AGENT (SIĞORTA AGENTİ)” və “BROKER (SIĞORTA BROKERİ)”.

«Sığorta fəaliyyəti haqqında» Azərbaycan Respublikasının 2007-ci il 25 dekabr tarixli Qanunu, maddə 82.1:

Bu Qanunun məqsədləri üçün sığorta agentləri və sığorta brokerləri sığorta vasitəçiləri hesab edilir.

Azərbaycan Respublikasının Mülki Məcəlləsi, maddə 937.1:

Sığorta (təkrarsığorta) müqaviləsi tərəflər arasında həm birbaşa, həm də sığorta vasitəçilərinin - sığorta agentlərinin və ya sığorta brokerlərinin xidmətindən istifadə etməklə bağlana bilər.

Beynəlxalq Sığorta Nəzarətçiləri Assosiasiyasının «Sığorta Terminləri lüğəti» (2005), səh. 36:

Sığorta vasitəçisi (_eng.–insurance intermediary) – sığorta vasitəçiliyinə cəlb edilmiş hər hansı fiziki və ya hüquqi şəxs…”Müstəqil vasitəçilər” – sığortaçı ilə münasibətlərdə müştərini təmsil edən “müstəqil broker” və sığortaçını təmsil edən “agent”…

Türkiyə Cümhuriyyətinin 2007-ci il 3 iyun tarixli Sığortaçılıq Qanunu, maddə 2, b):

“Vasitəçi” dedikdə, sığorta agenti və brokeri başa düşülür.