2025-ci il Fizika üzrə Nobel mükafatı verilib
İsveç Kral Elmlər Akademiyasında keçirilən mətbuat konfransında 2025-ci il fizika üzrə Nobel mükafatının laureatları açıqlanıb.
Elana görə, İngiltərədən Con Klark, fransalı Mişel Devoret və Kaliforniyada çalışan amerikalı Con Martinis “elektrik dövrələrində makroskopik kvant mexaniki tunelin kəşfi və enerjinin kvantlaşdırılması” mövzusundakı işlərinə görə mükafatlandırılıblar.
2024-cü il Fizika üzrə Nobel Mükafatı amerikalı Con Hopfild və Britaniya-Kanada əsilli Geoffrey Hinton "süni neyron şəbəkələri ilə maşın öyrənməsini təmin edən" işlərinə görə verildi.
Nobel mükafatları haqqında
1900-cü il iyunun 9-da Alfred Nobelin ölümündən sonra yaradılmış Nobel Fondu bəşəriyyətə xidmət etmiş şəxslərə mükafatlar verir və dünyanın ən nüfuzlu mükafatı hesab olunur.
Nobel Mükafatları İsveç Kral Elmlər Akademiyası, İsveç Akademiyası, Karolinska İnstitutu və Norveç Nobel Komitəsi tərəfindən beş: fizika, kimya, ədəbiyyat, sülh və tibb kimi sahələrdə görkəmli şəxslərə və ya təşkilatlara verilir.
Bundan əlavə, iqtisadiyyat üzrə Nobel mükafatı ilk dəfə 1969-cu ildə, İsveç Mərkəzi Bankının 1968-ci ildə Alfred Nobelin xatirəsinə iqtisadiyyat üzrə mükafat təsis etmək qərarından sonra verilib.
Nobel mükafatları hər il dekabrın 10-da, Alfred Nobelin ölümünün ildönümündə keçirilən mərasimdə verilir.
