“Qızıl Pasport”: Dünyanı kruizlə gəzdirən proqram təqdim olundu

Villa Vie Residences şirkəti yeni kruiz proqramı olan “Qızıl Pasport"u təqdim edib. Layihə çərçivəsində iştirakçılar şirkətə məxsus bütün laynerlərdə məhdudiyyətsiz səyahət edə biləcəklər. Proqrama həmçinin 3,5 il davam edəcək “Odyssey” dünya kruizi də daxildir.

Şirkətin açıqlamasına görə, proqramda iştirak üçün minimum yaş 55-dir. Müxtəlif yaş qrupları üçün dörd tarif təklif olunur və qiymətlər seçilən kayutanın komfort səviyyəsindən asılı olaraq dəyişir.

Qiymətlər belə müəyyən olunub:

• 55–59 yaş – 299–399 min ABŞ dolları (24–32 mln rubl),

• 65–69 yaş – 249–349 min dollar (20–28 mln rubl),

• 75–79 yaş – 189–289 min dollar (15,2–23,2 mln rubl),

• 90 yaşdan yuxarı – 99–199 min dollar (7,9–16 mln rubl).

Proqrama ödənişə qida, otaq xidməti, paltarların yuyulması, alkoqol, illik tibbi müayinələr, vergilər və rüsumlar daxildir.

Bundan əlavə, iştirakçılar yanlarında qonaq da gətirə bilərlər. Gündəlik ödəniş hər qonaq üçün 129 dollar təşkil edir.

Şirkət hesab edir ki, “Qızıl Pasport” pensiya yaşında olan şəxslərə gələcək maddi yığımlar barədə düşünmədən həyatlarının sonuna qədər səyahət imkanı verir.