Google süni intellekt və məlumat mərkəzlərinə 9 milyard dollar sərmayə qoyacaq

Amerikanın İT korporasiyası Google süni intellekt mərkəzlərinin infrastrukturuna, məlumatların emalı və bulud saxlanmasına 9 milyard dollar sərmayə qoymaq niyyətindədir.

Bu barədə şirkətin rəsmi bloqunda məlumat verilib.

Google Çesterfild Kountidə məlumat mərkəzi tikmək, Loudoun və Prins Villiam qraflıqlarında infrastrukturunu genişləndirmək niyyətindədir. Layihənin 2026-cı ilə qədər başa çatdırılması gözlənilir.

İyul ayında şirkətin ABŞ-dakı İT mərkəzlərinə 25 milyard dollar investisiya yatırmaq planları barədə məlumat yayılıb. Google həmçinin məlumat mərkəzləri və süni intellekt mərkəzlərindən elektrik enerjisinə artan tələbat fonunda Pensilvaniyadakı su elektrik stansiyalarının modernləşdirilməsinə 3 milyard dollar ayırıb.