Tezliklə WhatsApp-a gələcək 5 YENİLİK
Dünyanın ən çox istifadə edilən mesajlaşma proqramı olan WhatsApp, xüsusilə süni intellekt sahəsindəki inkişaflarla yeni dövrdə vizual yeniliklər üzərində də çalışır. Son məlumatlara görə, Meta şirkətinə məxsus proqram, yeni videozəng effektləri və artırılmış reallıq filtrləri haqqında düşünür.
WhatsApp, istifadəçi təcrübəsini yaxşılaşdırmaq və video zəngləri daha əyləncəli etmək üçün yeni funksiyalar üzərində işləyir. Ən son məlumata görə, tətbiq artırılmış reallıq (AR) effektləri və filtrlər üzərində mühüm addımlar atır.
WhatsApp-ın tezliklə istifadəyə verəcəyi yeni funksiyalar bunlardır:
-
AR Effektləri və Filtrləri: İstifadəçilər video zənglər zamanı üz filtrlərindən və fon effektlərindən istifadə edə biləcəklər. Bu funksiya, söhbətləri daha interaktiv və əyləncəli edəcək.
-
Fon Redaktəsi: İstifadəçilər öz fonlarını bulanıqlaşdıra və ya hazır dizaynlar arasından seçim edə biləcəklər.
-
Aşağı İşıq rejimi: Qaranlıq mühitlərdə belə daha yaxşı görüntü keyfiyyəti təmin edəcək xüsusi rejim təklif olunacaq.
-
Retouch rejimi: Dərinin tonunu yumşaldan və hamarlaşdıran filtr seçimi əlavə olunacaq.
-
Parametrlərin saxlanması: İstifadəçilərin üstünlük verdiyi fon və rəng filtri parametrləri, gələcək söhbətlər üçün yadda saxlanılacaq.
Bu yeni funksiyalar, ilk olaraq alfa testləri və sonrakı beta versiyaları vasitəsilə kiçik bir qrup istifadəçiyə təklif olunacaq və zamanla bütün istifadəçilərə təqdim olunacaq. Bu yeniliklərlə WhatsApp, videozəng təcrübəsini daha fərdiləşdirilə bilən və zövqlü etməyi hədəfləyir.
