“Xəzər-Lada”nın rəhbərliyi dəyişdirilir

2024-cü il mayın 23-də saat 12-də “Xəzər-Lada” açıq səhmdar cəmiyyətinin səhmdarlarının növbəti ümumi yığıncağı keçiriləcəkdir. Yığıncaq Xırdalan şəhəri, Bakı-Sumqayıt şosesi, 16-cı km ünvanda cəmiyyətin inzibati binasının konfrans zalında olacaq.

ENA.az xəbər verir ki, yığıncağın gündəliyinə aşağıdakı məsələlər daxildir:

1. İllik hesabat;

2. Təftiş komissiyasının illik aktının müzakirəsi;

3. İdarə Heyətinin yeni tərkibinin seçilməsi;

4. Müşahidə Şurasının yeni tərkibinin seçilməsi;

5. Təftiş komissiyasının yeni tərkibinin seçilməsi;

6. Dividend və mükafatların verilməsi;

7. Kənar auditorun təsdiq edilməsi.

Səhmdarlar yığıncağın gündəliyi və materialı ilə cəmiyyətin mühasıbatlığında tanış ola bilərlər.