Ramazan bayramı günlərində Bakı-Qəbələ qatarları hər gün hərəkətdə olacaq
![](https://ena.az/uploads/news/2024-03/_ena_1b1071560885701848bf3cf0c_o.jpg)
Azərbaycanda Ramazan bayramı ilə əlaqədar aprelın 10-14-ü tarixlərində Bakı-Qəbələ marşrutu üzrə qatarlar hər gün hərəkətdə olacaq.
ENA.az xəbər verir ki, bu barədə "Azərbaycan Dəmir Yolları" QSC məlumat yayıb.
Məlumata görə, 6 aprel iş günü müəyyən edildiyindən həmin tarixdə Bakı-Qəbələ marşrutu üzrə qatar reysləri ləğv edilir: "Əvəzində qatar 7 apreldə səhər Bakıdan Qəbələyə, axşam isə Qəbələdən Bakıya yola düşəcək".
"Biletləri dəmiryol vağzallarının kassalarından, saytdan (www.ady.az) və ya “ADY Mobile” tətbiqi vasitəsilə əldə etmək mümkündür", - deyə məlumatda qeyd edilib.