Bakı-Quba yolunun tam istismara veriləcəyi tarix açıqlanıb
Köhnə Bakı-Quba-Rusiya Federasiyası avtomobil yolunun Bakıdan Qubaya gediş hissəsinin təqribən 45%-də təmir işləri aparılıb.
Bunu Azərbaycan Avtomobil Yolları Dövlət Agentliyinin (AAYDA) İdarə heyətinin sədri Saleh Məmmədov jurnalistlərə açıqlamasında deyib.
Onun sözlərinə görə, bu ilin yay aylarında son yekun işləri görüləcək və yol tam təmirli halda istismara veriləcək.
