19 bankın xərcləri artıb
Azərbaycanda fəaliyyət göstərən 30 bankdan 11-nin ötənilki xərcləri əvvəlki ilə nisbətən az olub.
Bunlar "Turan Bank", "AGBank", "Amrah Bank", "PAŞA Bank", "Nikoyl Bank", İran və Pakistan Milli Banklarının Bakı filialları, "Access Bank", "Yapı Kredi Bank Azərbaycan", "Bank VTB Azərbaycan" və "Azərbaycan Beynəlxalq Bankı"dır. Ən çox azalma "Azərbaycan Beynəlxalq Bankı"nda (51,8%), ən az azalma isə "Turan Bank"da (0,1%) qeydə alınıb.
Qalan 19 bankın isə xərcləri artıb. Ən yüksək dinamika "NBC Bank"da (49,3%), ən aşağı dinamika isə "Xalq Bank"da (0,4%) qeydə alınıb.
4 bankın xərcləri 100 milyon manatdan çoxdur
2018-ci ildə Azərbaycanda fəaliyyət göstərən 30 bankdan 4-nün xərcləri 100 milyon manatdan çox olub.
Bunlar "Azərbaycan Beynəlxalq Bankı" (235,614 milyon manat), "Kapital Bank" (235,175 milyon manat), "PAŞA Bank" (114,097 milyon manat) və "Access Bank"dır (112,091 milyon manat).
Qalan 26 bankdan 7-də xərclər 50-100 milyon manat arasında, 15 bankda 10-50 milyon manat arasında, 4 bankda isə 10 milyon manatdan azdır.
