Bayram günlərində Azərbaycanda 123 məntəqədə valyuta mübadiləsi işləyəcək
Bayram günlərində (8-12 noyabr) Azərbaycanda bankların filial və şöbələri, “Azərpoçt” MMC-nin şöbələri və valyuta mübadilə məntəqələri fəaliyyət göstərəcək. Bu barədə Azərbaycan Mərkəzi Bankından (AMB) məlumat verilib.
Bayram günlərində ölkəmizdə səfərdə olan turistlərin və ölkə vətəndaşlarının valyuta mübadiləsi xidmətlərinə davamlı çıxış imkanlarının təmin edilməsi məqsədilə ümumilikdə 14 bankın 118 satış nöqtəsi (o cümlədən, 4 bank üzrə 8 satış nöqtəsi 24 saat rejimində olmaqla), “Azərpoçt” MMC-nin 73 şöbəsi, valyuta mübadiləsinə lisenziya almış 5 valyuta mübadiləsi məntəqəsi (o cümlədən 1-i 24 saat rejimində olmaqla) müştərilərə xidmət göstərəcək.
