Dollar/TL məzənnəsində yeni rekord qeydə alındı
Bugün Dollar/TL məzənnəsində yeni rekord qeydə alınıb. ENA.az xəbər verir ki, dollar indeksində məhdud geriləmə müşahidə edilərkən, həftənin ikinci ticarət günündə Dollar/TL məzənnəsindəki artım davam edib.
USD/TRY məzənnəsi 2 faiz artaraq 26,93 səviyyəsini keçərək yeni rekord səviyyəyə çatıb. Avro/TL də 30,36 səviyyəsini keçib.
Türkiyənin göstərici istiqraz faizi yüzdə 15,56, risk mükafatı isə 444 baz bəndi səviyyəsindədir.
Dollar/TL-də yüksəliş sürəti davam edərkən, daxili bazarlarda diqqətlər Türkiyə Cümhuriyyəti Mərkəzi Bankının (TCMB) cümə axşamı açıqlayacağı faiz qərarına yönəldi.
Bankın faiz qərarı ilə birlikdə verəcəyi mesajlar da yaxından izləniləcək.
TCMB-nin iyul ayında faiz qərarı ilə bağlı 21 qurumun orta gözləntiləri faiz dərəcəsinin 500 baz bənd artaraq 20 faizə yüksələcəyi olub.
İyul ayı faiz anketində - maksimum gözlənti 21,5 faiz, minimum gözlənti isə 17,5 faiz olub.
Sorğuda 2023-cü ilin sonu üçün orta gözlənti yüzdə 25 idi. İyun sorğusunda 2023-cü ilin sonu üçün median gözlənti 30 faiz olub.
