Azərbaycanda dərman istehsal olunacaq
Ələt Azad İqtisadi Zonasında dərman istehsalı müəsisələrinin tikilib istifadə verilməsi ilə bağlı işlər görülür.
ENA.az xəbər verir ki, bu barədə Milli Məclisin Səhiyyə komitəsinin bugünkü iclasında sədr Əhliman Əmiraslanov bildirib.
"Azərbaycanda dərman istehsal olunacaq. Bu sahədə biz xarici ölkələrdən asılıyıq, ümid edirik ki, problem bununla qismən həll olunacaq. Eyni zamanda, İsraildən, Türkiyədən mütəxəssislər cəlb ediləcək", - komitə sədri vurğulayıb.
Onun sözlərinə görə, ölkəmizdə dərmanların qiymətinin aşağı salınması üçün işlər görülə bilər.
