Gündəm

Lavrov Bakıya gəldi

Rusiyanın xarici işlər naziri Sergey Lavrov cümə axşamı İranın Tehran şəhərindən Azərbaycanın paytaxtına iki günlük işgüzar səfərə gəlib.

Rusiyalı diplomat Bakıda azərbaycanlı həmkarı Ceyhun Bayramov ilə danışıqlar aparacaq, həmçinin onun ölkə Prezidenti İlham Əliyevlə görüşü nəzərdə tutulub.

Eləcə də oxu: Rusiya XİN “RİA Novosti”nin Azərbaycanda bloklanmasına münasibət bildirib

Rusiya Xarici İşlər Nazirliyinin rəsmi nümayəndəsi Mariya Zaxarova nazirlərin Rusiya-Azərbaycan münasibətlərinin gələcək inkişafı məsələlərinin bütün kompleksini nəzərdən keçirmək niyyətində olduqlarını açıqlayıb. Nazirlər həmçinin bir sıra aktual regional və beynəlxalq məsələləri nəzərdən keçirəcək, 10 noyabr 2020-ci il, 11 yanvar və 26 noyabr 2021-ci il tarixli üçtərəfli Bəyanatların yüksək səviyyədə icrasına xüsusi diqqət yetiriləcək.

Ən vacib xəbərləri Telegram kanalımızdan OXUYUN! (https://t.me/enaxeber)

News Department