Səlcuq Bayraktar Bakıya gəldi
Türkiyənin “Baykar” şirkətinin texniki direktoru Səlcuq Bayraktar Bakıya gəlib.
ENA.az xəbər verir ki, bu barədə rəqəmsal inkişaf və nəqliyyat naziri Rəşad Nəbiyev feysbukda bildirib.
“Ölkəmizdə səfərdə olan “TEKNOFEST” İdarə Heyətinin və T3 Fondu Qəyyumlar Şurasının sədri Selçuk Bayraktar və Türkiyәnin sәnaye vә texnologiya nazirinin müavini Mehmet Fatih Kacırla görüşdük”, – deyə nazir qeyd edib.
O bildirib ki, görüş zamanı 26-29 mayda Bakıda keçiriləcək “TEKNOFEST Azərbaycan” Aerokosmik və Texnologiya Festivalına hazırlıq işlərini müzakirə edilib.
