Hadisə

Azərbaycan-İran sərhədində daha bir insident, ölən var

Ötən gecə Azərbaycanın İranla sərhədində insident baş verib.

Məlumata görə, sərhəd zastavasının müşahidə kamerası vasitəsilə 2 nəfər sərhəd pozucusunun İran istiqamətindən 5-6 ədəd bağlama ilə dövlət sərhədini pozması müəyyənləşdirilib. Sərhədçilər tərəfindən dərhal müvafiq tədbirlər görülüb və geri qayıtmağa çalışan sərhəd pozucuları saxlanılıb. Bu zaman sərhəd pozucuları müqavimət göstərdiyindən atəş açılıb. Nəticədə onlardan biri öldürülüb, digəri isə saxlanılaraq aidiyyəti üzrə təhvil verilib.

Araşdırmalar zamanı ölən sərhəd pozucusunun İran vətəndaşı Pəhləvani Beyrək Yaşıl oğlu, saxlanılan şəxsin isə Pirani Behrud Məhəmməd oğlu olması müəyyənləşib.

Faktla bağlı araşdırmalar aparılır.

Ən vacib xəbərləri Telegram kanalımızdan OXUYUN! (https://t.me/enaxeber)