Rusiya Ermənistandan Ukraynaya qoşun göndərəcək
Rusiya Ermənistandakı 102-ci hərbi bazadan müxtəlif bölmələri Ukraynaya qarşı müharibəyə köçürməyi planlaşdırır.
ENA.az xəbər verir ki, bu barədə Ukrayna Silahlı Qüvvələrinin Baş Qərargahı “Facebook” səhifəsində məlumat yayıb.
Məlumatda bildirilib ki, rus hərbçiləri döyüş əməliyyatlarında iştirakdan imtina edir, bu da Ukrayna müdafiə qüvvələri ilə toqquşmalardan sonra Rusiya hərbçilərinin mənəvi-psixoloji durumunun aşağı olması ilə bağlıdır.
Ukrayna Silahlı Qüvvələrinin Baş Qərargahı Rusiya qoşunlarının şəxsi heyətinin ruhdan düşdüyünü, intihar və özünü yaralamaq hallarının tez-tez artdığını qeyd edib. Bundan əlavə, diqqətə çatdırılıb ki, Rusiya Ermənistandakı bölmələrini Ukraynadakı müharibəyə cəlb etməyə hazırlaşır.
