Dövlət Neft Fondu büdcə proqnozuna 77% əməl edib
Bu ilin I yarısında Dövlət Neft Fondundan büdcəyə 4 696,7 milyon manat vəsait transfert edilib.
ENA.az Maliyyə Nazirliyinə istinadən xəbər verir ki, bu, proqnoza nisbətən 1 403,2 milyon manat və yaxud 23%, ötən ilin eyni dövrü ilə müqayisədə isə 17,2% azdır.
Proqnozun tam yerinə yetirilməməsi İqtisadiyyat Nazirliyi yanında Dövlət Vergi Xidməti və Dövlət Gömrük Komitəsinin büdcə proqnozunu artıqlaması ilə icra etməsi və büdcə kəsirinin maliyyələşməsi üçün nəzərdə tutulmuş mənbələrdən istifadə olunması ilə bağlıdır.
