"Tesla" "Model 3"ün qiymətini endirdi
"Tesla" Çində "Model 3" adlanan elektrikli avtomobillərinin qiymətini ucuzlaşdırıb.
"BI" xəbər verir ki, Kaliforniya mərkəzli elektrikli avtomobillərin Çin veb saytında "Tesla Model 3" modelinin qiymətləri 7,6% aşağı salınıb. Belə ki, hazırda Çində bir "Model 3" avtomobilinin başlanğıc qiyməti 499 min yuan və ya 72 000 dollardan başlayır.
Xatırladaq ki, son iki ayda üçüncü dəfədir ki, "Tesla" Çində avtomobillərinin qiymətlərini dəyişir. Noyabr ayında şirkət "Model X" və "Model S" avtomobillərinin qiymətlərini 12%-dən 26%-ə qədər endirmişdi.
