Bank

Yelo Bank tender elanı edir

20 may 2021

“Yelo Bank” ASC-nin Arxiv otağı üçün mebel avadanlıqlarının alınması məqsədilə açıq tender elan edir.

Tender iştirakçıları aşağıdakı meyarlara sahib olmalıdırlar:

Müvafiq sahədə peşəkarlığı, təcrübənin, texniki və maliyyə imkanları, işçi qüvvəsi, idarəetmə səriştəsi və etibarlığı olmalı;
Ödəmə qabiliyyəti olmalı;
Öz əmlakından sərbəst və məhdudiyyətsiz istifadə etmək imkanı olmalı, əmlakı üzərinə həbs qoyulmamalı, ödəniş yönəlmiş girovu olmamalı;
Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərinin olmamalı;
Müvafiq sahibkarlıq fəaliyyəti növünün həyata keçirilməsi və ya müəyyən hərəkətlərin yerinə yetirilməsi üçün müvafiq lisenziyaya və ya icazəyə malik olmalı;
Müflis elan olunmamalı, məhkəmənin qərarı ilə kommersiya fəaliyyəti dayandırılmış şəxs olmamalı

Tenderin qalibi aşağıdakı meyarlar üzrə müəyyənləşəcəkdir:

Təqdim ediləcək məhsulun keyfiyyəti
Təklif ediləcək məhsulun qiyməti
İştirakçı şirkətin bu sahədə təcrübəsi
Təqdim edilmiş məhsullara verilən zəmanət müddəti
Müqavilənin icra müddəti

Texniki şərtlər elana link olaraq əlavə olunur.

Tenderdə iştirak etmək üçün təqdim edilməli sənədlər:

Qiymət təklifi
İddiaçının hüquqi statusunu əks etdirən hüquqi sənədlər (nizamnamə, dövlət qeydiyyatı haqqında şəhadətnamə, reyestrdən çıxarış, VÖEN və s.) surətləri
Tender təklifini və satınalma müqaviləsini imzalama səlahiyyətinə malik olan şəxsin səlahiyyətlərini təsdiq edən sənəd
Tender təklifini təqdim edən şirkətin aidiyyatı sahələr üzrə portfeli (albom, görülmüş işlər haqqında fotohesabat, e-kataloq və s.)

Tender təklifinin təqdim edilməsinin son tarix vaxtı

Tender təklifləri 27 May 2021-ci il, Bakı vaxtı ilə saat 12:00-a qədər Bakı ş. Puşkin küçəsi 30 ünvanına yalnız bağlı və küncləri möhürlənmiş zərflər şəklində təqdim edilməlidir.
Zərflərin hər küncü möhürlənməlidir.
Qiymətlər Azərbaycan manatı və vergilər daxil qeyd olunmalıdır.
Göstərilən tarixdən və vaxtdan sonra təqdim olunan zərflər qəbul edilməyəcəkdir.

Satın alınacaq avadanlıq siyahısının əldə edilməsi

Tender iştirakçıları satın alınacaq mebel avadanlığı siyahısını və ətraflı məlumatı saytdan yükləməklə yanaşı, elektron və ya çap edilmiş nüsxədə əlaqələndirici şəxslərdən istənilən iş günü saat 10:00-17:00 arası ala bilərlər.

Müqavilənin icra müddəti

Satınalma müqaviləsi tenderin qalibi elan edildikdən ən geci 30 təqvim günü ərzində yerinə yetirilməsi tələb olunur.
Satınalma müqaviləsinin qeyd olunmuş müddətdən daha qısa vaxt ərzində icra edilməsini bildirən iştirakçılar tender qaliblərinin müəyyən olunmasında müsbət rol oynacaqdır.

Ödəniş və digər şərtlər

Təqdim ediləcək məhsullara minimum 2 il zəmanət verilməlidir.
Zəmanət müddətinin 2 ildən artıq olması tender qaliblərinin müəyyən olunmasında müsbət rol oynayacaqdır
Zərurət yarandığı halda Bank Tender qaliblərinə müqavilə imzalandıqdan sonra ümumi müqavilə məbləğindən 30% - ə qədər ilkin ödəniş edə bilər. Bu halda tender qalibi ona ödənilmiş məbləğ üçün Bank zəmanəti təqdim etməlidir.
Tenderin qalibləri 4 ay müddətinə müqavilə məbləğinin 5%-i həcmində Bank zəmanəti təqdim etməlidir.
Tender iştirakçıları keyfiyyət və istehsalçı meyarlarından irəli gələrək bir neçə təklif verə bilərlər.
Təklif avadanlıqların quraşdırma qiymətlərini özündə əks etdirməlidir.
Təklif qiyməti bütün vergilər daxil olmaqla verilməlidir.
Təklif verilən zaman iştirakçı müqavilə icra edildikdən sonra, 24 ay ərzində zərurət yarandıqda bank üçün eyni məhsullardan təqdim etmək imkanına malik olmalıdır.
Tələb edildikdə iştirakçı müəyyən mebel avadanlıqları üzrə 7 gün ərzində nümunə təqdim etmək imkanına malik olmalıdır.
Zərurət yarandığı halda auksion formatında tenderin ikinci mərhələsi elan edilə bilər.
Tender təklifləri Bankın təqdim etdiyi təklif forması üzərindən verilməlidir.
Müqavilə imzalanana qədər Bank satın alınacaq mebel avadanlıqlarının sayınının artırılması və ya azaldılması hüququna malikdir.
Tender qalibinin Yelo Bankda hesab açması (Tender qalibi elan olunduqdan sonra)

Tender iştirakçıları aşağıdakı meyarlara sahib olmalıdırlar:

Müvafiq sahədə peşəkarlığı, təcrübənin, texniki və maliyyə imkanları, işçi qüvvəsi, idarəetmə səriştəsi və etibarlığı olmalı;
Ödəmə qabiliyyəti olmalı;
Öz əmlakından sərbəst və məhdudiyyətsiz istifadə etmək imkanı olmalı, əmlakı üzərinə həbs qoyulmamalı, ödəniş yönəlmiş girovu olmamalı;
Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərinin olmamalı;
Müvafiq sahibkarlıq fəaliyyəti növünün həyata keçirilməsi və ya müəyyən hərəkətlərin yerinə yetirilməsi üçün müvafiq lisenziyaya və ya icazəyə malik olmalı;
Müflis elan olunmamalı, məhkəmənin qərarı ilə kommersiya fəaliyyəti dayandırılmış şəxs olmamalı