Səlcuq Bayrakdar Kanadanın Türkiyəyə sanksiyasına münasibət bildirib
“Embarqo sanki yeniymiş kimi sevinənlərə söyləyirəm: yenə də Şam şeytanı (yuyulmamış qaşıq mənasına gəlir - red.) kimi təpinməyə davam edə bilərsiniz”.
Eləcə də bax: Türkiyə yeni raketini uğurla sınaqdan keçirib - VİDEO
“ENA” NTV-yə istinadən xəbər verir ki, bunu Türkiyənin “Baykar” şirkətinin texniki direktoru, "Bayraktar" pilotsuz uçuş aparatının ixtiraçısı Səlcuq Bayraktar Kanadanın silah satışı ilə bağlı ölkəsinə tətbiq etdiyi məhdudiyyətlə bağlı tvitter səhifəsində yazıb.
Səlcuq Bayrakdar Kanada istehsalı olan sistemin illər əvvəl ASELSAN tərəfindən tətbiq edildiyini xatırladıb.
Xatırladaq ki, Azərbaycanın Qarabağ bölgəsinin işğaldan azad edilməsində “Bayrakdar”dan istifadə edilib. Bu, aparatda Kanada texnologiyası da tətbiq olunub. Kanadanın Xarici İşlər Nazirliyi “Bayrakdar”dan istifadəyə görə Türkiyəyə silah satışına dair məhdudyyət tətbiq edib.
