Sığorta bazarında ən çox ödənişlər hansı sahələrə düşür? - TƏHLİL

Azərbaycan Mərkəzi Bankı bildirir ki, 2020-ci ilin yanvar-noyabr aylarında Azərbaycanda sığortaçıların ümumi sığorta haqqları 668 milyon 925,8 min manat təşkil edib ki, bu da keçən ilin eyni dövrü ilə müqayisədə 8,7% çoxdur.

Hesabat dövründə könüllü sığorta növləri üzrə sığorta haqqları 462 milyon 382,4 min manat təşkil edib və bu, bazardakı bütün sığorta haqlarının 69,1% -ni tutur.

Eyni zamanda, həyat sığortası üzrə sığorta haqları 213 milyon 251,1 min manat (artım 14,2%), qeyri-həyat sığorta növləri üzrə 231 milyon 131,4 min manat (artım 7,3%) təşkil edib.

Yanvar-noyabr aylarında icbari sığorta növləri üzrə sığorta haqları 206 milyon 543,4 min manat (artım 4,5%) olub.

Hesabat dövründəki sığorta haqqlarının çoxunu həyat sığortası (190 milyon 514,8 min manat), tibbi sığorta (90 milyon 889,6 min manat) və OSAGO (85 milyon 785,2 min manat) təşkil edir. Ümumiyyətlə, bu üç sığorta növü üzrə sığorta haqları hesabat dövründə sığortaçıların daxilolmalarının 54,9% -ni təmin edib.

2020-ci ilin yanvar-noyabr aylarında sığortaçılar sığorta hadisələri üçün kompensasiya ödənişinə 391 milyon 453 min 600 manat yönəldiblər ki, bu da keçən ilin on bir ayına nisbətən 55.2% çoxdur.

Hesabat dövründə könüllü sığorta növləri üzrə sığortaçıların ödəmələri 328 milyon 69,4 min manat olub ki, bu da 82,7% artım deməkdir. Başqa sözlə, cəmi sığorta ödənişlərinin 83,8% -ni təşkil edib. Eyni zamanda, həyat sığortası üzrə ödənişlər 244 milyon 759,6 min manata yüksəlib ki, bu 2,5 dəfəlik bir artım deməkdir. Qeyri-həyat sığorta növləri üzrə ödənişlər isə 4,6% artaraq 83 milyon 309,9 min manat olub.

İcbari sığorta növləri üzrə ödənişlər 2020-ci ilin yanvar-noyabr aylarında 63 milyon 384,1 min manatdır, yəni müqyisə aparsaq, 2,8% azalma var. 

Hesabat dövründə sığortaçılar həyat sığortası üzrə 243 milyon 321,7 min manat, könüllü tibbi sığorta üzrə 54 milyon 254,1 min manat və OSAGO üzrə 51 milyon 576,6 min manat ödəyiblər. Ümumiyyətlə, bu üç sığorta növü üzrə ödənişlər hesabat dövründə bazarda olan bütün tələblərin 89,2% -ni əhatə edib.

Xatırladaq ki, 2020-ci il noyabr ayının sonunda Azərbaycanda 21 sığorta şirkəti fəaliyyət göstərmək üçün lisenziyaya malikdir.