Xəzər dənizinin suyundan istifadə ediləcək
Azərbaycanda Alternativ mənbələrdən, o cümlədən qrunt, təmizlənmiş tullantı, kollektor-drenaj sularından, balıqçılıq təsərrüfatlarında istifadə olunan sulardan və Xəzər dənizinin suyundan istifadə ilə bağlı təkliflər Nazirlər Kabinetinə təqdim edilməlidir.
ENA.az xəbər verir ki, bu, Prezident İlham Əliyevin bu gün təsdiqlədiyi “Su ehtiyatlarından səmərəli istifadənin təmin edilməsinə dair 2020–2022-ci illər üçün Tədbirlər Planı”nda öz əksini tapıb.
Sənəddə deyilir ki, bu işi Ekologiya və Təbii Sərvətlər Nazirliyi, Azərbaycan Milli Elmlər Akademiyası, “Azərbaycan Melorasiya və Su Təsərrüfatı” ASC, “Azərsu” ASC, yerli icra hakimiyyəti orqanları bu ilin avqust–oktyabr aylarında yerinə yetirməli olacaq.
