“Sədərək” Ticarət Mərkəzi YANIR
“Sədərək” Ticarət Mərkəzində yanğın hadisəsi baş verib.
ENA.az xəbər verir ki, hadisə səhər saatlarında qeydə alınıb. Ticarət mərkəzinin birinci zonasında cərgənin tavanında başlanan yanğın qısa müddətdə mağazalara keçib.
Əraziyə Dövlət Yanğından Mühafizə Xidmətinin və Xüsusi Riskli Xilasetmə Xidmətinin müvafiq qüvvələri cəlb olunub. Alov güclü olduğundan artıq bir neçə mağazanı bürüyüb.
Hazırda yanğının söndürülməsi işləri davam etdirilir.
