Daxili İşlər naziri yeni bölmə rəisləri - TƏYİN EDİLDİ
Daxili işlər orqanlarında növbəti kadr dəyişiklikləri olub.
ENA.az xəbər verir ki, bu barədə müvafiq əmri Daxili İşlər naziri, general-polkovnik Vilayət Eyvazov imzalayıb.
Əmrə əsasən, polis mayoru Fəxrin Bektaşi Sabunçu Rayon Polis İdarəsinin 15-ci Polis Bölməsinin rəisi vəzifəsinə təyin olunub.
Eyni zamanda, polis polkovnik-leytenantı Azər Məmmədov Sabunçu RPİ-nin 42-ci Polis Bölməsinin rəisi vəzifəsinə təyinat alıb.
Nazirin digər əmri ilə polis polkovnik-leytenantı Tural Məşədiyev Sabunçu RPİ 14-cü Polis Bölməsinin rəisi vəzifəsinə gətirilib.
