Azərbaycan avtomobillərə yarım milyard dollar xərcləyib: Nə almışıq?
2019-cu ilin yanvar-oktyabr aylarında Azərbaycana 428 milyon 450 min dəyərində minik avtomobilləri gətirilib. Bu ötən ilin müvafiq dövrü ilə müqayisədə 51% çoxdur.
ENA.az xəbər verir ki, bu ilin 10 ayında ölkəyə 31 min 934 ədəd minik avtomobili idxal edilib. Bu isə 1,8 dəfə artım deməkdir.
Ölkəyə daxil olan nəqliyyat vasitələrinin təyinatına baxsaq, Azərbaycana 47 milyon 896 min dollar dəyərində 2,934 min ədəd yük avtomobili gətirilib. Yük avtomobillərinin sayında 1,8 dəfə artım var. Həmçinin 59 milyon 272,8 min dollar dəyərində 441 ədəd avtobus alınıb. Bu isə ötənildəkindən 2,5 dəfə çoxdur.
Qeyd edək ki, 2018-ci ildə Azərbaycana 407 milyon 635 min dollarlıq minik avtomobilləri gətirilib. 33 milyon 242 min dollar dəyərində 2,3 min ədəd yük avtomobili, 15 milyon 875 min dollar dəyərində 297 ədəd avtobus idxal olunub.
